২৭ মাৰ্চ, ২০২৫ তাৰিখে বড়োলেণ্ড বিশ্ববিদ্যালয়ৰ অসমীয়া বিভাগৰ আমন্ত্ৰণ ক্ৰমে বিশেষ বক্তৃতানুষ্ঠানত উপস্থিত থাকে সৰুপথাৰ মহাবিদ্যালয়ৰ অধ্যক্ষ ড॰ প্ৰাপ্তি ঠাকুৰ৷ ‘ৰামধেনু যুগৰ গল্পৰ গতি-প্ৰকৃতি’ শীৰ্ষক বক্তৃতা প্ৰদান কৰাৰ লগতে স্নাতকোত্তৰ মহলাৰ ছাত্ৰ-ছাত্ৰী আৰু গৱেষকসকলৰ সৈতে মত বিনিময় কৰে অধ্যক্ষগৰাকীয়ে৷ বিশ্ববিদ্যালয়ৰ পঞ্জীয়ক ড॰ সুবুং বসুমতাৰী ডাঙৰীয়াৰ সৈতে বিদ্যায়তনিক আলোচনাতো মিলিত হয়৷ অসমীয়া বিভাগৰ মুৰব্বী অধ্যাপিকা ড॰ চুমী কলিতাৰ লগতে বিভাগীয় শিক্ষকসকললৈ ড॰ প্ৰাপ্তি ঠাকুৰে আন্তৰিক ধন্যবাদ আৰু কৃতজ্ঞতা জ্ঞাপন কৰে৷
উক্ত দিনাই কোকৰাঝাৰ চৰকাৰী মহাবিদ্যালয়ৰ অসমীয়া বিভাগে আয়োজন কৰা বক্তৃতানুষ্ঠানতো ‘ৰামধেনু যুগৰ গল্পৰ বিষয় আৰু বৈচিত্ৰ্য’ শীৰ্ষক বক্তৃতা প্ৰদান কৰে অধ্যক্ষ ড॰ প্ৰাপ্তি ঠাকুৰে ৷ সমান্তৰালকৈ সৰুপথাৰ মহাবিদ্যালয় আৰু কোকৰাঝাৰ চৰকাৰী মহাবিদ্যালয়ৰ লগত এখন বুজাবুজিৰ চুক্তিত সন্মানীয় অধ্যক্ষ ড॰ প্ৰাপ্তি ঠাকুৰ আৰু অধ্যক্ষ ড॰ ডিমাছা দৈব্ৰাং মুছাহাৰীৰ উপস্থিতিত স্বাক্ষৰ কৰা হয়৷
